- अर्थ सरोकार टिप्पणी
काठमाडौँ – दराजको सबैभन्दा ठूलो सेल ११: ११ ‘सेल डे’ भन्दै नेपालमा पर्व नै जसरी हाउगुजी मच्चाइएको छ । अनलाइन मार्केट दराजले ११: ११ ‘सेल डे’ नेपालमा आयोजना गरेको हो । नोभेम्बर ११ अर्थात कात्तिक २५ गते सेल डे गर्ने कम्पनीले जनाएको छ । सो दिन १ लाख आइटमका सामानको अर्डर लिने कम्पनीको लक्ष्यसमेत लिएको छ । ११: ११ ‘सेल डे’ नेपालसँगै श्रीलङ्का, म्यानमार, बंगलादेश र पाकिस्तानमा एकै पटक हुने कम्पनीले जनाएको छ । तर नेपालमा भने दराजको सेल डे ठग डेका रुपमा परिणत भएको छ ।
हेर्नुहोस् केहि प्रमाणहरु :
१. टेकसंजालका सीइओ प्रदीप अधिकारीले दराजको कथित सेल डेमा अरु बेला भन्दा महँगो समान राखिएको प्रमाण सामाजिक संजालमा पेश गरेका छन् ।
२. सुजन श्रेष्ठले दराजले सेल डेमा सामान बजार मूल्यभन्दा दोब्बर रहेको भन्दै सामाजिक संजालमा पोष्ट गरेका छन् ।
३. दराजले बजारमा १८००-१९०० मा पाइने माइकलाई सेल डेमा २१९९ भनेर राखेको छ ।
४. यो समानको बजार मूल्य त्यस्तै १०० रुपैयाँदेखि १५० रुपैयाँसम्म हो । तर हुँदै नभएको ९९९ मूल्य राखेर २९९ भन्दै झुक्याइएको छ । 
अर्को तर्फ सस्तोमा बेचिएका सामान अर्डर गरिसकेपछि प्राइस इरर भयो त्यसको असली मूल्य बढी हो भन्दै दराजले ठगीरहेको गुनासो धेरैले पोखेका छन् । दराजले पनि प्राइस इरर भएको स्वीकारेको छ ।
इलेक्ट्रोनिक सामान पनि अन्य शपिङ पोर्टल भन्दा दराजमा महँगो छ ।
