काठमाडौं- माछापुच्छ्रे बैंक लिमिटेडले प्रगतिशिल धारा सुधार समिति र सपनतिर्थ क्षेत्र विकास समितिसँगको सहकार्यमा संस्थागत सामाजिक उत्तरदायित्व अन्तर्गत एक कार्यक्रम सम्पन्न गरेको छ । बैंकले शहरी क्षेत्रलाई सफा, सुन्दर र हरितमय वातावरण बनाउन मिति २०७५ साल श्रावण ७ गते टोखा नगरपालिका, वडा नं. २ स्थित सपनतिर्थ मन्दिर परिसरमा वृक्षारोपण गरेको छ । 

नेपाल सरकारका माननीय उपप्रधानमन्त्री तथा रक्षा मन्त्री ईश्वर पोखरेलले उक्त वृक्षारोपण कार्यक्रमको उद्घाटन गरेका छन् । माछापुच्छ्रे बैंकको तर्फबाट प्रमुख कार्यकारी अधिकृत सुमन शर्माले वृक्षारोपण गरी कार्यक्रममा आफ्नो सक्रिय सहभागिता जनाएका थिए ।

बैंकले पूर्वमा झापा देखि पश्चिममा कन्चनपुर साथै हिमाल देखि पहाड, र तराईसम्म आफ्ना ८३ वटा शाखाहरु, २ वटा एक्स्टेन्सन काउन्टरहरु लगायत २१ शाखा रहित बैकिङ्ग सेवा समेत गरी जम्मा १०६ स्थानवाट ग्राहक महानुभावहरुमा सम्पुर्ण बैंकिङ्ग सुबिधा प्रदान गरीरहेको छ । साथै, बैंकको देशभर ९७ वटा एटीएमहरु संचालनमा रहेको छ ।