काठमाडौं– महालक्ष्मी विकास बैंक लिमिटेड र मेडिसिटी अस्पतालसँग एक सम्झौता गरेको छ । उक्त सम्झौतामा बैंकका प्रमुख कार्यकारी अधिकृत कृष्णराज लामिछाने र अस्पतालका महाप्रबन्धक विजय रिमालले हस्ताक्षर गरेका छन्।

उक्त सम्झौता पश्चात बैंकका ग्राहक वर्गले नेपाल मेडिसिटीमा उपचार गराउँदा उपचार शुल्कमा सात प्रतिशत छुट पाउने छन् । बैंकका कर्मचारी र कर्मचारीका परिवारले १० % छुट पाउने बैंकको विज्ञप्तिमा उल्लेख छ। छुटका लागि ग्राहकले अनिवार्य रुपमा बैंकको डेबिट कार्ड लिनुपर्ने बैंकले जनाएको छ । 

देशभर महालक्ष्मी बैंकले ७३ शाखाबाट बैकिङ सेवा प्रदान गर्दै आएको छ । हालसम्म बैंकका चार लाख ४० हजार जनाले उक्त बैंकमा खाता खोलेका छन् । बैंकले आगामी दिनमा उक्त अस्पतालसँग संस्थागत सामाजिक उत्तरदायित्व अन्तर्गत विभिन्न स्वास्थ्यसँग सम्बन्धित कार्यक्रम गर्दै जाने सहमति पनि गरेको जनाएको छ ।