महालक्ष्मी विकास बैंक लिमिटेडले मृतक कर्मचारीको परिवारलाई सहयोग गरेको छ । बैंकको दाङस्थित तुलसीपूर शाखामा कार्यरत किसोर कुमार बडु को २०७४ साल चैत्र ११ गते मोटरसाइकल दुर्घटना परी असामयिक निधन भएको थियो । उक्त घटनाप्रति दुःख व्यक्त गर्दै महालक्ष्मी विकास बैंक परिवारले शोक सन्तप्त परिवारलाई सात लाख रुपैयाँ सहयोग गरेको हो ।

जेठ ३० गते बैंकको बैतडी शाखामा आयोजित एक कार्यक्रममा बीच उक्त सहयोग रकम हस्तान्तरण गरिएको हो । सोही अवसरमा बैंकका सञ्चालक समितिका अध्यक्ष राजेश उपाध्यायले पनि व्यक्तिगत तर्फबाट २५ हजार रुपैयाँ सहयोग गरेका थिए । उक्त रकमको चेकहरु स्व. बडुका पिता जनक बहादुर बडुलाई बैंकका प्रमुख कार्यकारी अधिकृत कृष्णराज लामिछानेले हस्तान्तरण गरेका हुन् ।