मुक्तिनाथ विकास बैंक लिमिटेड र मुक्तिनाथ विकास बैंक लिमिटेडबीच गरिमा रेमिट सञ्चालन गर्नेसम्बन्धी सम्झौता भएको छ । गरिमा विकास बैंकको तर्फबाट नायब महाप्रबन्धक माधव प्रसाद उपाध्याय र मुक्तिनाथ विकास बैंकको तर्फबाट सहायक प्रमूख कार्यकारी अधिकृत तिलबहादुर गुरुङ्गले सम्झौतापत्रमा बुधबार हस्ताक्षर गरे ।

त्यसैगरी गरिमा रेमिट सञ्चालन सम्बन्धमा गरिमा विकास बैंक र महालक्ष्मी विकास बैंकबीच पनि सम्झौता भएको छ । मंगलबार गरिमा विकास बैंकको तर्फबाट नायब महाप्रबन्धक माधव प्रसाद उपाध्याय र महालक्ष्मी विकास बैंकको तर्फबाट नायब प्रमूख कार्यकारी अधिकृत ध्रुवराज तिवारीले सम्झौतापत्रमा हस्ताक्षर गरे ।

सम्झौता पश्चात मुक्तिनाथ विकास बैंकका देशभर रहेका ७८ वटा शाखा र महालक्ष्मी विकास बैंकका ७१ शखा कार्यालयबाट गरिमा रेमिटमार्फत रकम पठाउन, भूक्तानी लिन तथा खातामा रकम जम्मा गर्न सकिने भएको छ ।