काठमाडौं – केबल टेलिभिजन, इन्टरनेट र नेटवर्क सेवाप्रदायक कम्पनी सुबिसु केबल नेटले आफ्नो क्लियर टिभी सेवामा दुई सय ५० भन्दा बढी डिजिटल च्यानल विस्तार गरेको जनाएको छ । तीमध्ये ६० भन्दा बढी एचडी च्यानल रहेको सुबिसुले जनाएको छ।
सुबिसुले आफूलाई नेपालकै सबैभन्दा बढी एचडी डिजिटल च्यानल सेवा प्रदायक कम्पनी दाबी गरेको छ ।क्लियर टिभी सेवामा एक हजार नौ सय ९९ को अफर रहेको कम्पनीले जनाएको छ । यसमा ग्राहकले सेट टप बक्स, इन्सटलेसन चार्ज र दुई महिनाको सबस्क्रिप्सन पाइने कम्पनीको भनाइ छ।
क्लियर टिभी सेवा बेसिक र प्रिमियम गरी दुई प्याकेजमा उपलब्ध छ । प्रतिमहिना न्यूनतम पाँच सयदेखि सात सय सेवा शुल्क छ । एकमुष्ट तीन, ६ र १२ महिनाको सेवा खरिद गर्दा विशेष छुट पाइने कम्पनीले जनाएको छ ।
