काठमाडौं -नेको इन्सुरेन्सको ५०% हकप्रद सेयर बिक्री खुल्ला भएको छ ।  माघ २६ गतेदेखि लागु हुने गरी उक्त इन्सुरेन्सको ५०% हकप्रद सेयर बिक्री खुला भएको हो । कम्पनीले २ः१ अनुपातमा ३९ लाख २० हजार ९२८.११ कित्ता हकप्रद सेयर बिक्री खुला गरेको हो ।

प्राप्त जानकारी अनुसार नेकोको हकप्रद बिक्री प्रबन्धक एनएमबि क्यापिटल लिमिटेड, नागपोखरी काठमाडौं तथा एनएमबि बैंकका अधिकांश शाखा कार्यालयहरुबाट आवेदन दिन सकिनेछ । 

 १०० रुपैयाँ अंकित मूल्यको यो हकप्रदमा माघ ८ गतेसम्म कायम सेयरधनीहरुले मात्र आवेदन दिन पाउनेछन् ।  इन्सुरेन्सको गत असोज १० गते सम्पन्न भएको साधारण सभाले १०% बोनस वितरण गर्ने प्रस्ताव पारित गरेको थियो ।