राष्ट्रिय प्रजातन्त्र पार्टीले स्थानीय तहको पहिलो चरणको निर्वाचनमा गाउँपालिका तर्फ खाता खोलेको छ। राप्रपाले धादिङको विकट क्षेत्रमा पर्ने रुवीभ्याली गाउँपालिकामा प्रमुख तथा उपप्रमुख दुबै पद सहित ३ वटा वडाध्यक्ष जितेको निर्वाचन अधिकृत गंगाबहादुर खरेलले जानकारी दिए।

आधिकारिक घोषणा हुन बाँकी रहेको सो परिणाम अनुसार राप्रपाका चेतन तामाङले विजय हाँसिल गरेका छन्। उनले निकटतम प्रतिस्पर्धी माओवादीका रामसिंह तामाङलाई पराजीत गरेका हुन् । चेतनले १४ सय ८४ मत प्राप्त गर्दा रामसिंहले ९५३ मत पाएका छन्।