• अर्थ सरोकार सम्बाददाता 

काठमाडौँ – नेपाल क्रेडिट एन्ड कमर्स (एनसीसी) बैंकमा विशेष साधारणसभालाई लिएर लफडा परेको छ । बैंकलाई विशेष साधारण सभा रोकेर तत्काल नियमित साधारण सभा बोलाउन कम्पनी रजिष्ट्रार कार्यालयले निर्देशन दिएपछी बैंकभित्रको लफडा छताछुल्ल भएको हो । 

कम्पनी रजिष्ट्रार कार्यालयको निर्देशन, ‘विशेष साधारणसभा रोक’

कम्पनी रजिष्ट्रार कार्यालयका प्रमुख प्रेमकुमार श्रेष्ठले दिएको जानकारी अनुसार एनसीसीले कुनैपनि हालतमा घोषित विशेष साधारणसभा रोक्नुपर्नेछ । ‘एनसीसीले ५० प्रतिशत हकप्रद ल्याउने एउटामात्र एजेन्डा राखेर वैशाख १५ मा विशेष साधारण सभा बोलाएको देखियो । हामीले लिखित निर्देशन दिइसकेका छौं । कुनैपनि हालमा अव नियमित साधारणसभा नगरी विशेष साधारणसभा हुँदैन ।’ अर्थ सरोकार डटकमसँग कुराकानी गर्दै श्रेष्ठले भने । यसविषयमा बैंकको नेतृत्वले मनपरी गरेको भन्दै संस्थपक समूहबाटै उजुरी परेको थियो ।