">
- अर्थ सरोकार संम्वाददाता
काठमाडौँ – कैलाश बिकास बैंकले शुक्रबारदेखि हकप्रद शेयर बिक्री सुरु गरेको छ । ३१ लाख ६० हजार ६७२ कित्ता हकप्रद शेयरमा आगामी १० चैतसम्म साविक शेयरधनीले आवेदन गर्न पाउने बैंकले जनाएको छ । हकप्रदका लागी बैंकले १३ पुषमा बुक क्लोज गरेको थियो ।
बैंकमा १०० कित्ता शेयर हुनेले २० कित्ता आवेदन दिन पाउँछन्। हकप्रद निस्कासनका लागि ग्लोबल आईएमइ क्यापिटललाई बिक्री प्रबन्धक नियुक्त गरिएको छ ।
हकप्रद बाँडफाँड पश्चात बैंकको चुक्ता पूँजी एक अर्ब ५८ करोड रुपैयाँबाट बढेर एक अर्ब ८९ करोड पुग्ने छ ।
