काठमाडौँ – एशियन लाईफ इन्स्योरेन्स कम्पनी लिमिटेड (Asian Life Insurance Co.Ltd.) ले लगानीकर्तालाई आकर्षक हकप्रद र बोनस शेयर दिने भएको छ । कम्पनीले लगानीकर्तालाई २० प्रतिशत बोनस शेयर र कर प्रयोजनको लागि १ दशमलव ०५ प्रतिशत नगद लाभांश दिने भएको छ । उक्त बोनस शेयरपछि ५० प्रतिशत अर्थात् २ बराबर १ को अनुपातमा हकप्रद शेयरपनि दिने भएको छ ।

कम्पनीको हिजो बसेको १०८ औं संचालक समितिको बैठकले उक्त निर्णय गरेको नेप्सेले जनाएको छ । उक्त बोनस र हकप्रद शेयर बीमा समिति र कम्पनीको आउँदो वार्षिक साधारण सभाले पारित गरेपछि मात्रै निष्काशन हुनेछ ।