काठमाडौं – सनराइज बैंकले ६० करोड ९७ लाख रुपैयाँ नाफा गरेको छ । अघिल्लो बर्षको पुसमा बैंकले ३६ करोड ३९ लाख रुपैयाँ नाफा गरेको थियो ।

बैंकले ऋण लगानी व्यापक रुपमा बढाएर खुद ब्याज आम्दानी बृद्धि गरेकाले नाफा उक्लिएको हो । बैंकले ३१ अर्ब ऋणलाई बढाएर ४९ अर्ब २२ करोड रुपैयाँ पुर्याएको छ । बैंकको निक्षेप पनि ३७ अर्ब २२ करोड रुपैयाँबाट बढेर ५७ अर्ब ३० करोड रुपैयाँ पुगेको छ ।

बैंकले खुद ब्याज आम्दानी एक अर्ब १० करोड रुपैयाँ गरेको छ ।  बैंकको स्प्रेड दर साढे चार प्रतिशत छ। बैंकको खराव कर्जा १.४० प्रतिशत छ ।