काठमाडौं – सेयर बजारका लगानीकर्ता मंगलबार पनि निरास देखिएका छन्। बजारमा दोहोरो अंकसम्म गिरावट देखिए पनि अन्तिममा ४.२४ अंकले झरेर बन्द भएको छ ।

सुचक १३४४.६० अंकमा झरेको छ। हिजोअस्तिको तुलनामा कारोबार रकममा केही सुधार देखिएको छ । दिनभरीमा १३२ कम्पनीको ३१ करोड ९८ लाख रुपैयाँको सेयर कारोबार भएको छ ।

अन्य र फाइनान्स कम्पनी सुचकवाहेक सबै ओर्लिएको छ । बिमा साढे २३ अंकले झरेको छ भने होटलमा ४१ अंकको गिरावट आएको छ। बैकिङ पाँच अंकले झरेको छ ।

बजारमा सबैभन्दा वढि कारोबार प्रभु बैंकको दुई करोड २१ लाख रुपैयाँको किनबेच भएको छ। नेपाल लाइफको दुई करोड सात लाख र नेपाल टेलिकमको एक करोड ९७ लाख रुपैयाँको किनबेच भएको छ ।

बजार घट्दा पनि नेपाल बैंक, सानिमा माइ हाइड्रो र सिनर्जी फाइनान्सका लगानीकर्ता वढि कमाउनेको सुचीमा परेका छन् । वढि गुमाउनेमा महिला सहयात्रा, तिनाउ डेभलपमेन्ट बैंकलगायतका लगानीकर्ता छन् ।