• अर्थ सरोकार सम्बाददाता

काठमाडौँ । साताको कारोबारको दोस्रो दिन सोमबार पनि नेप्से घटेको छ । आइतबारको तुलनामा नेप्से परिसूचक १८.०७ अंकले घटेर २३८९.१९ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २१२ कम्पनीको ९९ लाख ४ हजार ५२९ कित्ता सेयर खरिद बिक्री हुँदा ४ अर्ब २४ करोडमाथिको कारोबार भएको छ । आज सबैभन्दा बढी कारोबार निफ्राको भएको छ ।

यस कम्पनीको ४३ करोड ६२ लाखमाथिको कारोबार भएको छ । त्यसपछि कारोबार क्रमश: अपर र नबिल बैंकको भएको छ । आज ५ समूह बाहेकका अन्य सबै समूह घटेका छन् । यस्तै आज सबैभन्दा धेरै चन्द्रागिरी हिल्सका लगानीकर्ताहरुले कमाएका छन् भने हिमालयन पावर पाटनर लिमिटेडका लगानीकर्ताले सबैभन्दा धेरै गुमाएका छन् ।