- अर्थ सरोकार सम्बाददाता
काठमाडौँ – बिगत केहि दिन देखि घट्दो क्रममा रहेको सुनको मूल्य शुक्रबार ३ सयले घटेको छ ।बिहिबारको कारोबारमा प्रति तोला ५६ हजार ३ सयमा कारोबार भएको छापावाल सुन आज शुक्रबार प्रति तोला ५६ हजारमा कारोबार भईरहेको छ ।
छापावाल सुन अघिल्लो हप्ताको पहिलो दिनमा प्रति तोला ५९ हजारमा कारोबार भएको थियो । त्यसपछि मूल्य घट्दो क्रममा छ । एक सातामा सुनको मुल्यमा ३ हजारले गिरावट आएको छ ।
त्यस्तै तेजावी सुन प्रति तोला ५५ हजार ७ सय ५० रुपैयाँमा कारोबार भइरहेको छ।
अन्तर्राष्ट्रिय बजारमा सुनको भाउमा आएको गिरावटले नेपाली बजारमा सुन सस्तिएको महासंघले जनाएको छ । चाँदी भने तोलामा १० रुपियाँले घटेर प्रति तोला ८ सय १० रुपैयाँमा किनबेच भईरहेको छ।
नेपाल सुनचांदी ब्यबसायी महासंघले शुक्रबारको कारोबारमा प्रति १० ग्राम छापावाल सुनको मूल्य ४८ हजार १० रुपैयाँ तोकेको छ भने प्रति १० ग्राम तेजावी सुनको मूल्य ४७ हजार ७ सय ९५ रुपैयाँमा कारोबार भईरहेको छ। त्यस्तै १० ग्राम चांदीको मूल्य ६ सय ९५ रुपैयाँ कायम गरिएको छ।
