दाङ – तुलसीपुर  नगरपालिकाले दलित समुदायका शिशु जन्मेको ३५ दिनभित्र जन्मदर्ता गराए प्रोत्साहनस्वरुप एक हजार दिने भएको छ । दलित बालबालिकाको जन्मदर्ता समयमै नहुने समस्या रहेकाले स्थानीय विकास मन्त्रालयकै योजनाअनुसार नगरपालिकाले रकम दिने भएको हो ।

तुलसीपुर नगरपालिकाका पञ्जिकाधिकारी ध्रुवराज रेग्मीका अनुसार मन्त्रालयले नगरपालिकालाई परिपत्र गरिसकेको छ र अब जन्मदर्ता तोकिएको समयमा गराउने दलित समुदायका बालबालिकालाई प्रोत्साहन भत्ता दिइने  छ ।

व्यक्तिगत घटना दर्ता विवरणअन्तर्गत जन्मदर्ता महत्वपूर्ण हुन्छ । यस क्षेत्रका प्रायः बालबालिकाको जम्मदर्ता उमेर पुग्दासम्म पनि नहुने समस्या व्याप्त रहेकाले यो नयाँ व्यवस्था गरिएको हो ।