काठमाडौं – आइतवार नेप्से परिसूचक शून्य दशमलव ५५ प्रतिशतले बढेको छ । बैङ्किङ र बीमा समूह परिसूचक बढेपछि समग्र नेप्से परिसूचक बढेको हो ।

पहिलो कारोबार देखि उकालो लागेको बजार २ घण्टाको व्यापारमा ९ दशमलव ६९ अङ्कले बढेर १ हजार ७ सय ६३ दशमलव शून्य ७ विन्दुमा पुगेको छ ।  यस समयमा १ हजार ६ सय ४५ पटकको व्यापारमा रू. ३२ करोड १५ लाख बराबरको शेयर कारोबार भएको हो ।

बीमा समूहको परिसूचक २ दशमलव ३१ प्रतिशत र बैङ्किङ समूहको शून्य दशमलव ५१ प्रतिशतले बढेको छ । 

त्यसैगरी, जलविद्युत समूहको परिसूचक शून्य दशलमव ७८ प्रतिशत, ‘अन्य’ समूहको शून्य दशमलव ३४, वित्त कम्पनीको शून्य दशलमव १६, होटलको शून्य दशमलव १५ र विकास बैङ्कको शून्य दशमलव शून्य २ प्रतिशतले घटेको हो ।