इटहरी –  इटहरी ८ का एक उपभोक्ताले खरिद गरेर ल्याएको खाने तेलमा किरा भेटिएकाे छ ।  ईस्वरा बास्तोला र शैलेश सत्यालले खरिद गरि ल्याएकाे  ५ लिटरको तोरीको तेलमा किरा भेटिएपछि खरिदकर्ता चकित परेका थिए ।

इटहरीको एक होलसेल पसलबाट खरिद गरेर ल्याएको तेलको ग्यालेन खन्याउने क्रममा धेरै मात्रामा किरा भेटिएकाे थियो । पछि ग्यालेन  तेलमा जिउँदो अबस्थाका किरा भेटिएका थिए ।

सुनसरीकाे दुहवीस्थित जेके अायल मिलले उत्पादन गर्ने खुकुरी तेलमा किरा भेटिएको हाे । ग्यालेन खोल्नासाथ दुर्गन्ध आएपछि प्लेटमा खन्याएर हेर्दा किरा भेटिएको ईस्वरा बास्तोलाले जानकारी दिर्इन् ।

डेट  समेत एक्सपायर नभएको बताउदै यस्ता अखाद्य तेलले मानव स्वास्थ्यमा गम्भीर असर पर्ने हुनाले यस बिषयमा सराेकारवाला सचेत हुनुपर्ने बास्तोलाले बताइन् ।

यता जेके ओयल मिलका उत्पादन प्रमुख जितु धपेडीयाले तेलमा किरा भेटिएको कुरामा कुनै सत्यता नभएको दाबी गरे । नेपालकै पुरानो तेल उत्पादन गर्ने उघोगले कहिले पनि यस्तो काम नगर्ने उनको भनाई थियो ।