दशैं तथा तिहारको अवसरमा आयोजना हुन लागेको ज्वेलरी महोत्सवमा ज्वेलरीहरुको खरिदमा छुट समेत प्रदान गरिने बताइएको छ । अर्थ सरोकार डटकमसँग कुराकानी गर्दै गोल्डेन डायमण्ड ज्वेलरीका प्रबन्धक ज्ञानु राजा शाक्यले उक्त मेलामा हिराको गरगहनाहरुको मूल्यमा ५ प्रतिशतदेखि ३० प्रतिशतसम्म छुट हुने व्यवस्था गरिएको बताएका छन् ।

यहि असोज १३ गतेदेखि कार्तिक १४ गतेसम्म हुन लागेको महोत्सवलाई लक्षित गरेर गोल्डेन डायमण्ड ज्वेलरीले गहनाका नयाँ डिजाइन पनि बजारमा ल्याएको छ भने उक्त नयाँ डिजाइनका गहनाहरु ज्वेलरी महोत्सवमा प्रस्तुत हुने बताइएको छ । महोत्सव अवधिभर  शोरुमले दशैं र तिहारको शुभकामना स्वरूप ग्राहकलाइ सन्तुष्ट बनाइ आफ्नो ब्राण्डिङ गर्ने बताएको छ । ‘हिन्दुहरुको महान चाड दशैं र तिहारको अवसरमा आफ्नो ग्राहकहरुलाई शुभकामना दिनु र आफ्नो ब्राण्डिङ गर्नु हाम्रो मुख्य उदेश्य हो’ – प्रबन्धक शाक्यले भने ।