">
धादिङ – मंगलबार धादिङबेसीबाट किन्ताङ जाँदै गरेको ना ४ ख ३३१८ नम्बरको बस दुर्घटनामा अहिलेसम्म १५ जनाको मृत्यु भएको पुष्टी भएको छ । मृतकको संख्या अझै बढ्न सक्ने प्रहरीले जनाएको छ ।
जिल्ला सदरमुकामबाट करिब ४ घण्टाको दूरीमा रहेको धादिङको उत्तरी क्षेत्र मार्पाकमा भएको दुर्घटनामा करिब २० भन्दा बढी यात्रु घाइते भएका छन् ।
घटनास्थलमा पुगेका प्रहरीसँग भएको कुराकानीका आधारमा प्रमुख जिल्ला अधिकारी विश्वप्रकाश सुवेदीले पहिरो गएको ठाउँबाट पार गर्ने क्रममा दुर्घटना भएको बताए । पहिरो झरेको बाटाबाट बस पल्टिएर करिब २०० मिटर तल आँखु खोलामा खसेको बताइएको छ ।
उनकाअनुसार घाइतेको हेलिकप्टरमार्फत उद्धार गर्ने तयारी गरिएको छ ।
