काठमाडौं – सन २०२० सम्म गरिवी अन्त्य गर्ने लक्ष्यमा चीन आक्रामक गतिमा अघि वढेको छ । त्यसकालागि ९० लाख वढी जनसंख्यालाई उसले विकट र दुर्गमबाट स्थानान्तरणको तयारी गरेको हो ।

पुनर्वासमा ९० लाख जनसंख्याको व्यवस्थापन गर्न चीनले १५८ अर्व अमेरिकी डलरको लागतमा भौगोलिक दृष्टीकोणबाट सुविधाको केहि पहुँच पुर्याउन सजिलो हुने क्षेत्र रोजेको छ । चीन सरकारले १३ औं पञ्चवर्षिय योजना (२०१६–२०२०) को अवधिमा चीनका विभिन्न २२ ओटा प्रान्तबाट ९८.१ लाख मानिसहरुलाई नया ठाउँमा वसाउने घोषणा गरेको छ ।

चीनको मुख्य प्रशासनिक प्राधिकरण–स्टेट काउन्सिलद्धारा उक्त योजना अनुमोदन भइसकेको छ । रिपोर्ट अनुसार यस योजनामा १५८ अर्व अमेरिकी डलर वरावर खर्च भइरहेको छ । आर्थिक रुपले गरिब क्षेत्रहरुलाई चार समुहमा विभाजन गरिएको छ । र त्यसमा सामेल सवै गरिव नागरिकलाई सम्पूर्ण सुविधा उपलव्ध गराउने लक्ष्य छ ।

त्यस जनसंख्याका लागि १ लाख १० हजार किलोमिटर सडक निर्माण गर्ने १ लाख ४० हजार किलोमिटर पानीको पाईप विछ्याउने योजना तर्जुमा गरिएको छ । गएको वर्षको आँकडामा चीनमा करिव ७ करोड मानिसहरु गरिवीको रेखामुनि सडक, पानी र विजुलुीको अभावमा रहेको देखिएपछि राज्यले गरिवी अन्त्यको आक्रामक योजना सुरु गरेको हो ।