">
एजेन्सी– भारतले पाकिस्तानको नजिक मानिएको चीनसँग पाकिस्तानमा रहेको आतंकी समूहविरुद्ध कारबाही गर्न सहयोग मागेको छ । भारतीय संचार माध्यमका अनुसार उसले पाकिस्तानलाई कुटनीतिक तवरले घेर्नका लागि चीनको साथ आवश्यक रहेकाले उसँग सहयोग मागिएको हो ।
चीनको पाकिस्तानप्रति रहेको झुकावलाई लिएर बेइजिङमा निशाना लगाउनु भारतको रणनीति नरहेको बताउँदै पाकिस्तानलाई घेर्न चीनको सहयोग आवश्यक पर्ने बताइएको छ । चीन यूएन सेक्युरेटी काउन्सीलको सदस्य भएकाले पनि सो आवश्यक रहेको समाचारमा बताइएको छ ।
उरीमा १७ जना भारतीय सैनिक मारिएपछि भारतीय प्रधानमन्त्री नरेनद्र मोदीले द्धपक्षीय र बहुपक्षीय फोरममा चीनसम्म पहुँच बढाएका छन् । उनले चीनसँग मिलेर अघि बढ्न थुप्रै कार्यक्रम प्रस्ताव गरेका छन् ।
ब्रिक्स सम्मेलनमा चिनियाँ राष्ट्रपति सी जिङ पिङ भारत जाने भएकाले अक्टूबर १५–१६ मा यस सम्बन्धि विशेष सम्झौताको तयारी गरिएको बुझिएको छ ।
यसभन्दा पहिले मादीले सी जिङसँग भएको वार्तामा आतंकवादको अन्त्यका लागि हातेमालो गरेर अघि बढ्नुपर्ने बताएका थिए । मोदीको योजना पकास्तिानलाई एक्ल्याउन चीनलाई दबाब दिनु रहेको बताइन्छ ।
