काठमाडौं । नेपाल प्रहरीको मोष्टवान्टेड सुचिमा टीकापुर घटनाका मुख्य योजनाकार रेशम चौधरीलाई प्रधानमन्त्री पुष्पकमल दाहाल प्रचण्डले भारतको होटल ताजमा भेटेको रहस्य खुलेको छ । चार दिने भारत भ्रमणको अन्तिम दिन प्रधानमन्त्रीे दाहालले नेपाल र भारतका ब्यवसायीहरुसँग होटल ताजमा भेटवार्ता गरेका थिए ।

त्यही कार्यक्रमको मञ्चमा आशिन थिए, नेपाल प्रहरीले विगत एक बर्षदेखि खोजि गरिरहेका फरार अभियुक्त रेशम चौधरी । प्रधानमन्त्री दाहालसँग उनले त्यही मञ्चमा बारम्वार खानेखुसी पनि गरेका थिए । प्रधानमन्त्रीको भारत भ्रमण अबधिभर चौधरी होटल ताजमै बसेका थिए । उनले त्यही प्रधानमन्त्री दाहालसँग छुट्टै भेटघाट गरेका थिएका थिए ।

टीकापुर नरसंहारका मुख्य योजनाकार चौधरी भारतमा लुकेर बसेका छन् । नेपाल प्रहरीका एसएसपीसहित ७ प्रहरी र एक बालकको हत्या भएलगतै उनी भारत पुगेका थिए । भारतमा बसेर उनले आफ्नो मुद्दा फिर्ता लिन सरकारलाई दवाव दिन थालेका छन् । होटल ताजमा प्रधानमन्त्री दाहालसँग उनले आफ्नो मुद्दा फिर्ता लिन आग्रह गरेको स्रोतले बताएको छ ।

resham1कैलाली घटना राजनीतिक घटना हो, त्यसमा म दोषि पनि छैन, प्रधानमन्त्री दाहाललाई चौधरीले भने म प्रति लागेको मुद्दा फिर्ता लिइदिनु परयो । प्रधानमन्त्री दाहालले टीकापुर घटनाका बिषयमा आफुलाई जानकारी भएको र मुद्दा फिर्ताका लागि मन्त्रीपरिषदमा छलफल गर्ने जवाफ दिएका थिए ।

चौधरीलाई नेपाल प्रहरीका एसएसपीसहित ७ प्रहरी र एक वालकको हत्या अभियोग, प्रहरीको हतियार खोसेको अर्काे गरी दुई मुद्दा लागेका छन् । यी दुवै मुद्दा फिर्ता लिन प्रधानमन्त्रीलाई उनले आग्रह गरेका छन् भने मुद्दा फिर्ताले आश्वासन पनि प्रधानमन्त्री दाहालले दिएको स्रोतले बताएको छ ।

टीकापुर घटनाको छानविन गर्न बनेको आयोगले पनि चौधरीलाई मुख्य योजनाकार ठहर गरेको छ । राष्टिय अनुसन्धान विभागका पूर्वप्रमुख देविराम शर्मा नेतृत्वको छानविन समितिले उनलाई मुख्य दोषि ठहर गरेको छ । शर्मा नेतृत्वको छानविन समितिले सरकारलाई प्रतिवेदन बुझाएपनि गृहमन्त्री विमलेन्द्र निधिले भने सार्वजनिक नगर्ने र अभियुक्तहरुको मुद्दा फिर्ता लिने बताएका छन् ।

गृहमन्त्रीको कार्यप्रति प्रहरी प्रधान कार्यालय असन्तुष्ट बनेको छ ।