काठमाडौं । राष्टपति बिद्यादेवी भण्डारी र प्रधानमन्त्री पुष्पकमल दाहाल प्रचण्डले संविधान दिवसको शुभकामना, प्रतिपक्ष दल एमालेले बसन्तुपरमा जनसभा गरिरहेका बेला सोमबार शिवसेना नेपाल ओम रक्षा बाहिनी प्रमुख चिरनविर खड्का बानेश्वरमा संविधानको प्रति जलाइरहेका थिए । संबैधानिक राजतन्त्र र हिन्दुराष्टविनाको संविधान स्वीकार गर्न नसक्निे भन्दै खड्का लगाएत समुहले संविधान जलाउँदा पक्राउ समेत परे ।
संविधान जारी भएको एक बर्ष पुग्यो । संविधानका पक्षमा कतै हर्षउल्लास त कतै विरोधमा कालो दिन र प्रतिलिपी जलाउने काम भयो । प्रमुख सत्तारुढ दल कांग्रेस र माओवादीले सामान्य कोठे कार्यक्रम गरेर खुसीयाली मनाए भने एमालेले उत्सवकैरुपमा देशभर जनसभा गरयो । ठिक त्यसैगरी संविधानका विपक्षमा रहेको शिवसेना नेपालले पनि काठमाडौको बानेश्वरदेखि मुम्वईको थानासम्म नेपालको संविधान जलाएको अध्यक्ष अनिल बस्नेतले बताए ।
संबैधानिक राजतन्त्र र हिन्दुराष्टविनाको संविधान नेपाली नागरिकको हुनु सक्दैन, अध्यक्ष बस्नेतले भने नेपाली जनता भन्दा बाह्यशक्तिका आडमा आएको संविधान हामी मान्दैनौ र त्यसकै विरोध स्वरुप जलाएका छौ । बस्नेतले मान्छे मारेर देश शान्ति नहुँने तर बाध्यबस मुहान सफा गर्नु पर्ने परिस्थित आएको समेत बताए । हामी नागरिकलाई सास्ती दिन्नौ, केही रकमको मोहमा फसेर हिन्दुराष्ट समाप्त पार्नेलाई छाड्दैनौ, त्यसकै संकेत हामीले सोमबार दिएका हौ ।
संविधानप्रति असन्तुष्टी जनाउँदै आएका मधेसी मोर्चाले मधेस क्षेत्रमा खास्सै कालो दिन मनाएनन् । रौतहटमा प्रमुख जिल्ला अधिकारी सहभागि कार्यक्रममा कालो झण्डा देखाउने बाहेक अरु गर्न सकेनन् । तर शिवसेना नेपालले भने देशका प्रमुख शहरहरुमा संविधानको प्रति जलाएको छ ।
पोखरामा जितेन्द्र, बन्टी थापा र आनन्द सापकोटाले नेपालको संविधानमा सलाई कोरे भने दोलखामा अनुप बुढा, झापामा ओमेन्द्र घिमिरे, बुटवलमा बिजय पाठक, सिन्धुपाल्चोकमा वरण खड्का र राजविराजमा प्रविण खड्काले संविधान राग बनाए ।
त्यसैगरी भारतको मुम्वई शहरमा पनि नेपालको संविधान जलाइएको छ । शिव सेना नेपालका मुम्वई प्रमुख कुलबहादुर गुरुड, खगेन्द्र शर्मा सदानन्द नाथ योगीको टोलीले मुम्वई थानामा नेपालको संविधान जलाएको थियो ।
एस काठमाडौँ
