काठमाण्डौ – प्रधानमन्त्री पुष्पकमल दाहाल प्रचण्डले संविधानकोे दोस्रो संशोधन तत्कालै हुने बताएका छन् ।

संविधान दिवसको अवसरमा सोमबार टुँडिखेलमा आयोजित ‘संविधान दिवस विशेष’ कार्यक्रममा बोल्दै प्रचण्डले सबैलाई स्वीकार्य बनाउनका लागि सरकार संविधानको दोश्रो संशोधन गर्न लागेको बताएका हुन  । एकपटक संविधानका महत्वपूर्ण धाराहरुमा संशोधन भैसकेको भए पनि उक्त संशोधनबाट मधेशी, आदिवासी जनजाति, थारु, लागायतका समुदायका  भावना समेट्ने गरी संविधानको दोश्रो संशोधन गर्न लागिएको बताए ।

हामीले संविधानमा मधेसी, आदिवासी जनजाति, समुदायका जायज मागहरुकोे सम्बोधन गर्न सकेका छैनौ । उनीहरुका जायज मागहरुको संबोधन गर्न संविधान संशोधन गर्न जरुरी रहेको छ । विश्वका कुनै पनि संविधान एकै पटक पूर्ण नहुने  जिकिर गर्दै उनले जनताका आकांक्ष अनुसार यसमा संशोधन गर्दै पूर्णता दिदै जानुपर्ने बताएका छन् ।

त्यस्तै प्रधानमन्त्री प्रचण्डले संविधनको पूर्ण कार्यान्वयनको लागि २०७४ माघ ७ गतेसम्म तीनै तहको निर्वाचन गरिसक्नुपर्ने बाध्याता रहेको उल्लेख गरेका छन् । निर्वाचनकालागि स्थानिय तहको संरचना भइरहेको र निर्वाचन आयोगसँग पनि छलफल भइरहेको बताएका छन् ।