काठमाडाैँ – बहिर्गमित जनमुक्ति सेनामाथि युएनका कर्मचारीले अमानविय व्यवहार गरेका छन् । शान्तिपूर्ण धर्नामा बसिरहेकाे अवस्थामा प्रहरी बाेलाएर युएनका कर्मचारीले ५० जना पक्राउ गराएका छन् । अयाेग्यकाे बिल्ला खारेज, जनयुद्धमा खेलेकाे भूमिकाकाे सम्मान र पुनर्स्थापन, सर्वाेच्च अदालतकाे अादेश खारेजीलगायतका मागसहित धर्नामा बसेका बहिर्गमित जनमुक्ति सेनाका नेता-कार्यकर्तालाई युएनका कर्मचारीले प्रहरीले बाेलाएर पक्राउ गर्न लगाएका हुन् ।

विराेधका कार्यक्रम अनुसार ललितपुरकाे पुल्चाेकस्थित युएनकाे कार्यालय अगाडि धर्नामा बसेकाे अवस्थामा उनीहरुलाई प्रहरीले गिरफ्तार गरेकाे बहिर्गमित जनमुक्ति सेनाका अध्यक्ष अर्जुन बुढाथाेकीले जानकार दिए । ‘हामी शान्तिपूर्ण धर्नामा बसेका थियाैँ । प्रहरीले गिरफ्तार गरेर लगेकाे छ । प्रहरी प्रशासनकाे रवैया यस्ताे नै हुने हाे भने हामीले पनि त्यही अनुसारकाे कार्यक्रम ल्याउन बाध्य हुनेछाैँ’ बुढाथाेकीले  भने । उनले अाफूहरु मर्यादित रुपमा धर्नामा बसेकाे तर यूएनका कर्मचारीले अमानविय व्यवहार गरेर प्रहरी बाेलाएकाे बताए ।

केन्द्रीय संर्घष समितिका इन्चार्ज लालचन्द्र बिक लगाएत गिरफ्तार सबैलाई जावलाखेलस्थित प्रहरी परिसरमा राखिएको जानकारी दिए । कार्यक्रममा माअाेवादी केन्द्रका केन्द्रीय कार्यालय सदस्य मणि थापा र केन्द्रीय सदस्य प्रकाश राेकाया पनि थिए । अाेली नेतृत्वकाे सरकारले बजेटमार्फत बहिर्गमित जनमुक्ति सेनाका सदस्यलाई प्रतिव्यक्ति दुई लाख रुपैयाँ दिने घाेषणा गरेकाे थियाे तर सर्वाेच्च अदालतले नदिन अन्तरिम अादेश गरेकाे छ ।