• अर्थ सरोकार सम्बाददाता 

काठमाडौँ – नारायणगढ–मुग्लिन सडक खण्डको जलवीरेमा शनिबार फेरि सवारी दुर्घटना भएको छ । ना३ख ४५५६ नम्बरको ट्रक बिहान करिब ५बजेको समयमा सडकबाट त्रिशूलीमा खसेको हो । दुर्घटनामा तीन बालकसहित सात घाइते भएका छन् ।

उनीहरुलाई उद्धार गरी उपचारका लागि भरतपुर पठाइएको चितवन प्रहरीले जनाएको छ । बालुवा लोड गरिएको ट्रक हेटौंडाबाट काठमाण्डु आउँदै गर्दा त्रिशूलीमा खसेको हो ।

सडकको खराबीका कारण अनियन्त्रित भई ट्रक नदीमा खसेको हुन सक्ने आशंका प्रहरीको छ । रौतहट सदरमुकाम गौरबाट पोरखा जाँदै गरेको बस शुक्रबार मात्र सोही स्थानबाट त्रिशूलीमा खस्दा २२ यात्रुको मृत्यु हुनुकासाथै १६ घाइते भएका थिए ।