">
- अर्थ सरोकार सम्बाददाता
काठमाडौं । नेपाल राष्ट्र बैंक आगामी आर्थिक वर्ष २०७८/७९ को मौद्रिक नीति सार्वजनिक गर्ने तयारीमा जुटेको छ । राष्ट्र बैंकले साउन पहिलो साता सार्वजनिक गर्ने तयारीमा थालेको हो ।
जसमा लागि राष्ट्र बैंकले विभिन्न संघसंस्था प्राप्त राय सुझावमाथि धमाधम अध्ययन गरिरहेको छ । यस्तै मौद्रिक नीतिका लागि अझै विभिन्न संघसंस्थाबाट राय सुझाव राष्ट्र बैंक पुगिरहेका छन् भने पुगेका राय सुझावमाथि राष्ट्र बैंकको आर्थिक अनुसन्धान विभागले अध्ययन गरेर प्रारम्भिक चरणको काम थालेको हो ।
सरोकारवालाले दिएका सुझावलाई आर्थिक अनुसन्धान विभागले प्रारम्भिक ड्राफ्ट तयार गर्ने काम सुरू गरेको विभागका कार्यकारी निर्देशक डा. प्रकाश श्रेष्ठले बताए । कोरोना संक्रमण अझै पनि कायमै रहेकाले आगामी आर्थिक वर्षको मौद्रिक नीति पनि विशेष कर्जा र ब्याजदर केन्द्रित आउने बताइएको छ ।
