• अर्थ सरोकार सम्बाददाता

काठमाडौं । ३६ हजार ३४९ जनाले मात्रै मनकामना स्मार्ट लघुवित्त वित्तीय संस्थाको आइपीओ हात पारेका छन् । ३६ हजार ३४९ जनाले १० कित्ताका दरले पाए कम्पनीको आइपीओ हात पारेका हुन् । बिक्री प्रबन्धक एनएमबि क्यापिटलको कार्यालयमा कम्पनीको आइपीओ आज गोलाप्रथामार्फत बाँडफाँड गरिएको हो । जसमा २ जनाले भने ११ कित्ताका दरले सेयर पाएका छन् ।

यो आइपीओमा रितपूर्वक आवेदन दिएका १९ लाख ५१ हजार ५२१ जना सर्वसााधारणलाई गोलाप्रथामा सहभागी गराइएको थियो भने २० लाख ३६ हजार २ सय ४५ जनाले २ अर्ब ६५ करोड ७४ लाख रुपियाँ बराबरको २ करोड ६५ लाख ७४ हजार ५० कित्ताको आवेदन परेको थियो ।

आइपीओको रिजल्ट एनएमबि क्यापिटलको वेबसाइट (https://www.nmbcl.com.np/) मेरो सेयर (https://meroshare.cdsc.com.np/#/login), मनकामना स्मार्ट लघुवित्तको वेबसाइट (https://www.manakamanalbs.com/) तथा सीडीएस एन्ड क्लियरिङको वेबसाइट (https://nchl.com.np/) बाट हेर्न सकिनेछ ।