- अर्थ सरोकार सम्बाददाता
काठमाडौं । नेशनल माइक्रोफाइनान्स वित्तीय संस्था र महिला सहयात्रा लघुवित्त वित्तीय संस्थाको एकीकृत कारोबार आज बुधबारदेखि सुरु भएको छ । नेशनलले महिला सहयात्रालाई एक्विजिसन गरेर आजदेखि नेशनल माइक्रोफाइनान्सकै नामबाट एकीकृत कारोबार सुरु गरेको हो ।
यी दुवै कम्पनीको असार २५ गते सम्पन्न विशेष साधारणसभाले महिला सहयात्रा लघुवित्तलाई प्राप्ति गर्ने विशेष प्रस्ताव पारित गरेको थियो । नेपाल राष्ट्र बैंकले असार १५ गते र कम्पनी रजिष्ट्रारको कार्यालयले असार २४ गते एक्विजिसन सम्बन्धि अन्तिम स्वीकृति दिएको थियो ।
नेसनल माइक्रोफाइनान्सले १००ः६८ अनुपातमा महिला सहयात्रालाई प्राप्ति गरेको हो । जसअनुसार महिला सहयात्राको १०० कित्ता सेयर हुने सेयरधनीले नेशनलको ६८ कित्ता सेयर पाएका छन् ।
