">
- अर्थ सरोकार सम्बाददाता
काठमाडौँ । नेशनल हाईड्रोपावर कम्पनीकाे २४औं वार्षिक साधारणसभा सम्पन्न भएकाे छ । सभा कम्पनीको रजिष्टर्ड कार्यालयमा भर्चुअल माध्यमबाट सम्पन्न भएकाे हो । सभामा सञ्चालक समितिकाे तर्फबाट कम्पनीका अध्यक्ष कुमार पाण्डेद्वारा प्रस्तुत आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिएकाे छ ।
कार्यक्रममा बाेल्दै कम्पनीका अध्यक्ष पाण्डेले आगामी आर्थिक वर्षसम्म यस कम्पनीका सेयरधनीहरूलाई २० प्रतिशत लाभांश दिने प्रक्षेपण गरिएकाे जानकारी दिएका छन् । सभाले लाेअर इर्खुवा हाइड्राेपावर कम्पनी लिमिटेडले आयाेजना निर्माण गर्न लिएकाे ॠणमा कर्पाेरेट ग्यारेन्टी दिने सम्बन्धमा गत फागुन २ गते सञ्चालक समितिकाे बैठकले गरेकाे निर्णय पनि सभामा अनुमाेदन गरिएकाे छ ।
साथै सभामा आर्थिक वर्ष २०७६/७७ काे लेखापरीक्षण प्रतिवेदन, वासलात, नाफा नाेक्सान हिसाब र साेहि अवधिकाे नगद प्रवाह विवरण लगायतका वित्तिय विवरणहरू तथा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक निर्धारण गर्नेलगायतका एजेण्डाहरू छलफल गरी पारित गरिएकाे छ ।
