• अर्थ सरोकार सम्बाददाता 

काठमाडौँ । सानिमा जनरल इन्स्योरेन्सले स्थगित भएको तेस्रो वार्षिक साधारण सभा पुनः बोलाएको छ । कम्पनीले सभा असार २३ गते केन्द्रीय कार्यालय कमलादीमा बिहान १०ः३० बजे बोलाएको हो । सभा भर्चुअल माध्यमबाट बोलाइएको हो । 

सभामा गत आर्थिक वर्ष २०७६/७७ को वार्षिक प्रतिवेदनसहितका वित्तीय विवरण र चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणकोलगायतका प्रस्ताव छलफल हुनेछ । यस्तै सभाले सर्वसाधारण सेयरधनीहरुको तर्फबाट दुई जना सञ्चालक समितिमा प्रतिनिधित्व गर्ने दुई जना सञ्चालकहरुको निर्वाचन गर्ने भएको छ ।

सभाका लागि कम्पनीले बैशाख २९ बुधबारदेखि सभा हुने मिति जेठ ११ गते मंगलबारसम्म बुक क्लोज गर्ने गरेको थियो । बैशाख २८ गतेसम्म कायम सेयरधनीले मात्र सभामा भाग लिन पाउनेछन् ।