• अर्थ सरोकार सम्बाददाता

कञ्चनपुरको पिपलाडीका किसान खेतमा लगाएको धानमा उम्रेका घाँस मार्नका लागि विषादी छर्कंदै ।

तनहुँको म्याग्दे गाउँपालिका–२ ज्यानटाङ सामुदायिक वनभित्र निर्माण गरिएको ट्रि हाउसमा सर्वसाधारणको भीड । हरियाली पार्कसहितको उक्त ठाउँमा वनभोज स्थल, रेष्टुरेन्टसमेत बनाउने तयारी छ ।

राप्ती प्रादेशिक अस्पताल तुलसीपुरमा आइतबार कोरोनाविरुद्धको खोप लगाउन लामबद्ध नागरिक । जिल्लामा ५५ वर्षमाथिका उमेर समूहलाई खोप लगाउन आजदेखि शरु गरिएको छ ।

लगातारको वर्षाका कारण आइतबार पहिरो जाँदा सुदूरपश्चिम प्रदेशको प्रमुख पर्यटकीयस्थल खप्तड जोड्ने डोटीको झिग्राना सडक अवरुद्ध ।

म्याग्दीको बेनी नगरपालिका– १ रत्नैचौरको फाँटमा रोपाइसँगै रासायनिक मल छर्किंदै कृषक । रत्नेचौर धान र तोरी उत्पादनका लागि जिल्लाकै पकेट क्षेत्र मानिन्छ ।

बैतडीको दोगडाकेदार गाउँपालिका– ३ श्रीकोटमा रहको भूमिराज मन्दिरमा बत्ती बाल्नका लागि पुगेका दर्शनार्थी । बैतडीसहित सुदूरपश्चिम प्रदेशमा साउन महिनालाई बत्ती बाल्ने महिनाका रुपमा मनाइन्छ ।

घर तथा कोठा सजावटको सामग्री बुन्दै बागलुङ नगरपालिका–१ स्थित रामरेखाका महिला । निषेधाज्ञाका समयमा उनीहरुले सजावटको सामग्री बुन्न सिकेका थिए ।

व्यास नगरपालिका–२, मालपोत लाइनमा नो पार्किङ बोर्ड गाड्दै जिल्ला ट्राफिक कार्यालय तनहुँका ट्राफिक प्रहरी ।

काभ्रेपलाञ्चोकको नमोबुद्ध नगरपालिका–८, बरबोटको बुद्ध स्तूप पार्कमा निर्माण गरिएको गुरु पद्मसम्भवको मूर्ति ।