दार्चुलाको उत्तरी क्षेत्रका महिला बच्चासहित महाकाली नदीमाथिको तुइन तर्दै । सरकारले विसं ०७४ असोजभित्रै देशभरका तुइन विस्थापन गर्ने भने पनि महाकाली नदीमाथि लगाइएका तुइन अझै विस्थापन भएको छैन ।
म्याग्दीको अन्नपूर्ण गाउँपालिका–२ भुरुङ्ग तातोपानीको मुन्द्रा चढाउने डाँडामा निर्माण भएको पदमार्ग । समुन्द्री सतहदेखि तीन हजार चार सय मिटर उचाइमा रहेको मुन्द्रा चढाउने डाँडामा अन्नपूर्ण गाउँपालिकाले रु दश लाखमा पदमार्ग बनाएको हो ।
विश्व सम्पदा सूचीमा रहेको भक्तपुरको प्रसिद्ध पर्यटकीयस्थल भक्तपुर दरबारस्क्वायरस्थित पचपन्न झ्याले दरबारमा मङ्गलबार देखिएको रात्रिकालिन दृश्य ।
घोराही – १२ मङ्लेरीमा तानमा कपडा बुन्दै महिला ।
हुलाकी राजमार्गअन्तर्गत कैलालीको भजनी नगरपालिका वडा नं ८ मा बर्षातका कारण सडकको दुर्दशा । सडक हिलाम्मे हुँदा नागरिकलाई आवागमनमा सास्ती हुनुका साथै दुर्घटनाको जोखिम बढेको छ ।
