×

Live on

रेडियो अर्थ सरोकार

Listen to live radio.

कसरी सुरु होला त नयाँ काम जब ५० प्रतिशत पुराना उद्योग नै बन्द छन् ?

GLOBAL IME BANK

कसरी सुरु होला त नयाँ काम जब ५० प्रतिशत पुराना उद्योग नै बन्द छन् ?

३० श्रावण २०७३, आईतवार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता
इलाम – नयाँ नेपालमा नयाँ -नयाँ उद्योग धन्दा खुल्नु पर्ने ठाउमा भएका समेत भटाभट बन्द हुनथाले पछी कसरी हुन्छ होला त विकास ? इलाम जिल्लामा  घरेलु तथा साना उद्योग विकास समिति अन्तर्गत  विगतमा दर्ता भएका उद्योगमध्ये आधा मात्र सञ्चालनमा रहेका छन् ।
कति छन् त संचालनमा ?
 घरेलु तथा साना उद्योग विकास समितिमा दर्ता भएका दुई हजार ८३७ वटा उद्योगमध्ये एक हजार ४५२ वटा उद्योगमात्र सञ्चालन भएका र  बाँकी उद्योग बन्द रहेका छन् । चियाका ७९ वटा, राइस मिल २६२ वटा, कम्प्युटर प्रशिक्षणका ६३, दूध डेरीका १७० वटा उद्योग सञ्चालमा आएका छन् । यसैगरी निर्माण व्यवसायीतर्फ १०९ सिलाइ कटाइ १२९ हाउस वाइरिङका १८ ग्रिल तथा काष्ठ फर्निचर ६८ ब्युटिपार्लर ५३ र विविध ५०१ गरी एक हजार ४५२ वटा मात्र उद्योग सञ्चालनमा छन् ।
नविकरण समेत छैन 
दर्ता भएका उद्योगमध्ये एक हजार ३८५ वटा उद्योग नियमित नवीकरणसमेत नभएको र निष्क्रिय रहेका कतिपय उद्योगको दर्ता खारेज गरिएको छ । उद्योग दर्ता गर्नेमध्ये थोरैले मात्र उद्योग÷व्यवसाय राम्रोसँग सञ्चालन गरेको पाइन्छ ।
कुन ठाउमा के को तालिम ?
माइमझुवा गाविसमा मौरीपालन तथा मह प्रशोधन तालिम, इलाम नगरपालिकामा आधुनिक सिलाइ कटाइ, माइपोखरीमा फ्रेविक पेन्टिङ, देउमाई नगरपालिकामा प्लम्विङ र महमाई गाविसमा हाउस वाइरिङ तालिम दिइने जनाएको छ । गत चालु आवमा रु तीन लाख बजेटबाट २० जना लघुउद्यमीलाई आर्थिक सहयोग गर्ने जनाइएको छ । आर्थिक पहुँच नभएका, दलित, अपाङ्ग, आदिवासी, विपन्न उद्यमीलाई व्यवसाय सञ्चालनका लागि सहयोग घरेलु तथा साना उद्योग गर्ने गरेको छ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: