">
एजेन्सी – संसार भरका जागिरमा प्राविधिक ज्ञान भएका व्यक्तिहरुकै माग धेरै छ । त्यही अनुरुप बढि तलव पाउनेमा पनि प्राविधिक बिषय पढेकै जनशक्ति अधिक छन् । संसारमा सबैभन्दा धेरै तलब दिनेमा सफ्टवेयर, सोसल मिडिया, मनोरञ्जन सहित ट्रान्सपोर्ट क्षेत्रका कम्पनी छन् । यी सबै कम्पनीको मुख्यालय रमेरिकामा रहे पनि सञ्जाल विश्वभरनै फैलिएको छ। यी कम्पनीले विश्वभरबाट आफुलाई चाहिने जनशक्ति भर्ना गर्छन् ।
एच वान भिसा मार्फत प्रोफेसनहरुले अमेरिकामा काम गर्ने अनुमति पाउँछन् । पछिल्लो समय अमेरिकी राष्ट्रपति डोनाल्ड ट्रम्पले यो भिसा पाउन अमेरिकी कम्पनीले एक बार्षिक एक लाख ३५ हजार अमेरिकी डलर तलब सहित काम दिनु पर्ने व्यवस्थाअ गरेका छन् । यस अघि बार्षिक ६५ हजार तलब हुनेले एच वान भिसा पाउँथे । यी ९ कम्पनीले भने औषतमा राष्ट्रपति ट्रम्मले तोकेभन्दा दोब्बर बढिनै पारिश्रमिक दिने गरेका छन् । यी कम्पनीले युवा ‘प्रोफेसनल’लाई बार्षिक तीन लाख १२ हजार अमेरिकी डलरसम्म तलब दिने गरेका छन् ।
धेरै तलब दिने नौ कम्पनी :-
नेट फ्लिक्स, क्यालिफोर्निया (अमेरिका)
क्यालिफोर्नियाको लस गेटोसमा अवस्थित नेट फ्लिक्स ठूलो मनोरंजन र मिडिया स्ट्रिमीङ कम्पनी हो । यो कम्पनीले कर्मचारीलाई बार्षिक औषत तीन लाख १२ अमेरिकी डलर (करिब तीन करोड ३४ लाख रुपैयाँ) तलब दिने गरेको छ ।
लिफ्ट, सानफ्रानसिस्को (अमेरिका)
सानफ्रान्सिस्कोमा प्रधान कार्यालय रहेको लिफ्टले ग्राहकलाई ट्रान्सपोर्ट (ट्याक्सी) सेवा दिँदै आएको छ । पछिल्लो समय उवरलाई कडा टक्कर दिइ रहेको लिफ्ट सञ्चालन भएका सबै शहरमा अनलाइनबाट अर्डर गरेको एक मिनेट भित्र ग्राहकलाई सेवा दिने कम्पनीले दावी गर्दै आएको छ । ग्राहक मात्र होइन कर्मचारीलाई पनि सन्तुष्ट राख्न लिफ्टले मनग्गे तलब दिने गरेको छ । यो कम्पनीको बार्षिक औषत पारिश्रमिक तीन लाख डलर (तीन करोड २१ लाख रुपैयाँ) रहेको छ ।
ड्रपबक्स, सानफ्रानसिस्को (अमेरिका)
सानफ्रान्सिस्कोमै मुख्यालय रहेको ड्रपबक्स अनलाइन फायल स्टोरेज कम्पनी हो । यो कम्पनीले इन्टरनेटमा बिषेश फोल्डर बनाइ आफ्ना डिजीटल डकुमेन्ट लगायत महत्वपुर्ण कागजात सुरक्षित साथ राख्ने सुविधा दिने गरेको छ। यो कम्पनी पनि ग्राहकसँगै कर्मचारीलाई सन्तुष्ट राख्न अब्बल देखिएको छ । कम्पनीले बार्षिक औषत दुई लाख ९९ हजार अमेरिकी डलर तीन करोड २० लाख रुपैयाँ तलब दिने गरेको छ ।
उबर क्याब (अमेरिका)
उबर अनलाइन बुकिङबाट ट्याक्सी क्याब सेवा प्रदान गर्ने कम्पनी हो । अमेरिकामा मुख्यालय रहे पनि यसको सेवा विश्वका धेरै देशमा पुगि सकेको छ । ग्राहकले आफ्नो स्मार्टफोनको एप मार्फत उबर अर्डर गर्न सक्छन् । यो कम्पनीले कर्मचारीलाई बार्षिक औषत दुई लाख ७९ हजार अमेरिकी डलर दुई करोड ९७ लाख रुपैयाँ पारिश्रमीक दिने गरेको छ ।
फेसबुक, सिलिकनभ्याली (अमेरिका)
फेसबुक प्राय सबै देशका नागरिकले जानेको सामाजिक सञ्जाल हो । अमेरिकाको सिलिकन भ्यालीमा मुख्यालय रहेको कम्पनीले कर्मचारीलाई बर्षको औषत दुई लाख ७५ हजार अमेरिकी डलर दुई करोड ९४ लाख रुपैयाँ पारिश्रमीक दिने गरेको छ ।
पिन्टरेस्ट, सानफ्रानसिस्को (अमेरिका)
क्यालिफोर्नियाको सानफ्रान्सिस्कोमा मुख्यालय रहेको पिन्टरेस्टले मोबाइल एप्लिकेशनमा आधारित भएर फोटोशेयरिङ सुवधा दिने गरेको छ । सन् २०१० मा स्थापना भएको कम्पनीले छोटो समयमै लामो छलाङ मार्न सफल भएको छ । यो सफलतामा कम्पनीप्रति कर्मचारीको सन्तुष्टि मूख्य कारक रहेको छ । कम्पनीले कर्मचारीलाई बर्षको औषत दुई लाख ७२ हजार अमेरिकी डलर दुई करोड ९१ लाख रुपैयाँ तलब दिने गरेको छ ।
एयरबिएनबि (अमेरिका)
एयरबिएनबि पनि अमेरिका स्थित स्थित एक सोसल नेटवर्किङ साइड हो । यसले संसारभरका धेरै देशमा अनलाइनबाट कोठा खोजिदिने काम गर्छ । कम्पनीले कर्मचारीलाई खुसी राख्न बार्षिक औषत दुई लाख ७१ हजार अमेरिकी डलर दुई करोड ९१ लाख रुपैयाँ तलब दिने गरेको छ ।
माइक्रोसफ्ट वासिंगटन ,(अमेरिका)
विश्वका सर्वाधिक धनाड्य विल गेट्सले पाउल एलेनसँग मिलेर ४१ बर्ष अघि माइक्रोसफ्टको स्थापना गरेको थियो। कम्पनीको कम्युटर अफिस प्याकेज विश्वभर लोकप्रिय छ । त्यस अलावा कम्पनी कम्युटर लगायत विद्युतीय उपकरण उत्पादन समेत गर्छ । यो कम्पनीले कर्मचारीलाई औषत दुई लाख ६९ हजार अमेरिकी डलर (दुई करोड ८८ लाख रुपैयाँ) पारिश्रमिक दिने गरेको छ ।
लिङ्क्डइन, क्यालिफोर्निया (अमेरिका)
क्यालिफोर्नियामा अवस्थित लिङ्क्डइन सन् २००२ मा स्थापना भएको कम्पनी हो । कम्पनीले विश्वभरका जागरिको सूचना दिन्छ। त्यस बाहेक बिभिन्न सामाजिक, आर्थिक र राजनीतिक बिषयमा छलफल गर्ने समुहमा यो साइटमा रहेका छन् । सोही कारण यो कम्पनीको साख संसारभर रहेको छ । कम्पनीले आफ्ना कर्मचारीलाई बार्षिक औषत दुई लाख ६२ हजार दुई करोड ८१ लाख रुपैयाँ पारिश्रमीक दिने गरेको छ ।
