- अर्थ सरोकार सम्बाददाता
काठमाडौँ – गाउँघरमा केहि पण्डितहरुले मंगलबार आमाको मुख हेर्ने औंशीका दिन यसपाली आमाको मुख हेर्न नहुने भन्ने भ्रम छरेको भन्दै उक्त हल्लाको पछी नलाग्न ज्योतिषहरुले आग्रह गरेका छन् ।
‘गाउघरतिर जनसर्वसाधारणलाई भोली मृत्युयोग परेकोछ । आमाको मुख हेर्नहुँदैन भनेर भ्रमित पार्ने दुस्प्रयास गरिएको पाइयो । वास्तवमा त्यस्तो केही छैन।’ ज्योतिष डा. सुनील सिटौलाले फेसबुकमा लेखेका छन् । साथै अन्य ज्योतिषहरुले पनि शास्त्रअनुसार त्यस्तो योग केहि नपरेको दावी गरेका छन् ।
‘विहानदेखि यस्तै हल्लाबारे अनेकौं फोन आइरहेका छन् ।’ ज्योतिष पण्डित श्रीधर पौडेल भन्छन्, ‘त्यस्तो केहि योग परेको छैन । यो हल्लामात्र हो ।’
