रोल्पा – नेकपा माओवादी केन्द्रका नेता तथा थवाङ गाउँपालिकाका अध्यक्ष वीरबहादुर घर्ती अपहरणमा परेका छन् । विहीवार राती उनलाई अज्ञात समुहले अपहरण गरेको प्रहरीले जनाएको छ । थवाङ २ स्थित ससुराली घरबाट घर्ति अपहरणमा परेका छन् । ससुराली घरमा सुतिरहेका बेला राति २ बजे उनलाई अपहरण गरिएको परिवारजनले वताएका छन् । उनीले कस्ले र किन अपहरण गरयो, त्यो भने अझै खुल्न सकेको छैन ।

वियोग उपनामले चिनिने घर्ती माओवादी जनयुद्धकाल देखि नै सक्रिय स्थानीय नेता थिए । पछिल्लो समय विप्लव नेतृत्वको नेकपा माओवादीसँग विवादमा परेका थिए । शनिबार नेकपा माओवादी केन्द्रका अध्यक्ष दाहाल थवाङमा गाउँसभा उदघाटनमा जान लागेका छन् । प्रचण्ड थवाङ पुग्नुभन्दा अघि नै गाउँपालिकाका अध्यक्ष अपहरणमा परेका छन् । – एस काठमाडौँ