">
काठमाडौं – चुनावको टिकट पैसामा बेचेको भन्दै माओवादी केन्द्र सिन्धुलीमा बबण्डर मच्चिएको छ । नेता हरिबोल गजुरेलले पैसा खाएर ठेकेदारलाई टिकट बेचेको भन्दै उनीहरुविरुद्ध दुई नेताले बागी उम्मेदवारी दिएका छन् ।
माकेका कार्यालय सदस्य समेत रहेका नेता गजुरेलले समानुपातिकतर्फको टिकट ठेकेदारलाई बेचेको खुलासा भएपछि नेता कमलप्रसाद दाहाल र नारायण पौडेलले बागी उम्मेदवारी दिएका छन् ।
सिन्धुली २ बाट प्रतिनिधी सभाको उम्मेदवारी दर्ता गरेका गजुरेलले जिल्ला संयोजक राजन दाहाललाई समेत प्रतिनिधि सभामा आउन नदिने षड्यन्त्र गरेको भन्दै जिल्लाका नेता–कार्यकर्ता आक्रोसित भएा छन् ।
माओवादी हेर्डक्वाटरले दाहाल र पौडेल दुवैलाई प्रतिनिधी सभा र यता प्रदेश सभाको प्रत्यक्ष र समानुपातिकको उम्मेदवारी बनाउने निर्णय गरेको थियो । तर पछिल्लो समयमा आएर गजुरेले टिकट वितरणमा आफु निकट मान्छेलाई टिकट दिएका थिए ।
आफ्नै पार्टीका जिम्मेवार नेताहरु नै बागी उठेपछि गजुरेलको हार निश्चित भएको बताउँन थालिएको छ । काँग्रेस उम्मेदवार नरेन्द्रजंग थापासँग गजुरेलले प्रतिस्पर्धा हुने भएको छ ।
