• अर्थ सरोकार सम्बाददाता 

यद्यपी हाम्रो प्रकाशनपछी चन्द्रागिरी हिल्स लिमिटेडका कर्मचारी र कम्पनीका केहि ‘चम्चा’ हरुले स्वस्थानी कथामा उक्त प्रसङ्ग रहेको दावी गरेका थिए । यहि बीचमा आफुलाई चन्द्रागिरी हिल्स लिमिटेडको पीआर अफिसर बताउने, आइएमइका कर्मचारी राजु पौडेलले पत्रकारलाई धम्कीपूर्ण भाषासमेत प्रयोग गरेका थिए ।  हामीले स्वस्थानीमा उल्लेखित सतीदेवीको अंगहरु पतन भएको तथ्यलाई समेत स्वस्थानी कितावनै प्रकाशन गरेर प्रस्तुत गर्दा पनि उनीहरु झुटको खेती गर्नमै व्यस्त थिए । तर स्वस्थानी ब्रत कथा आरम्भ भएपछि चन्द्रागिरीको झुट छताछुल्ल भएको छ । 


के छ बिज्ञापनमा ? 
चन्द्रागिरी हिल्स लिमिटेडले व्यापार बढाउने बहानामा त्यहाँ रहेको भालेश्वर महादेवको प्रसङ्ग उठाएर मह जोडीका ‘म’ अर्थात मदन कृष्ण श्रेष्ठले स्वस्थानी ब्रतकथा पढेका छन् । उनले विज्ञापन खेल्ने बहानामा धर्मसँग जोडिएको यति महत्वपूर्ण कुरालाई समेत ख्याल गरेका छैनन् । स्वस्थानीमा उल्लेख भएको तथ्यलाई बंग्याएर, बिज्ञापन बनाउनेले लेखेको स्क्रिप्टमा मनलाग्दी आफैं भट्याएर स्वस्थानी माताका अनुयायीहरुलाई समेत उनले दु:खी बनाएका छन् । एक पटक चन्द्रागिरि हिल्स लिमिटेडको यो विज्ञापन पुन एक पटक हेर्नुहोस् :

विज्ञापनको सुरुमा मदनकृष्ण श्रेष्ठले बोलेका छन्, ‘सतीदेवीको अंगहरु पतन हुने क्रममा चन्द्रागिरीमा पुगेपछि ‘भाल’ अर्थात निधार पतन भयो । र भालेश्वर महादेवको उत्पति भयो ।’ तर यो प्रसङ्ग स्वस्थानी ब्रत कथामा कतै उल्लेख छैन । स्वस्थानी ब्रत कथाका अनुसार सतीदेवीका विभिन्न अंगहरु ७५००००० स्थानमा पतन भएका छन् । र ब्रतकथाको सबैभन्दा पूरानो पुस्तक हेर्दा पनि चन्द्रागिरीको तथ्य प्रस्तुत भएको छैन । परापूर्वकालदेखि चल्दै आएको मान्यता त्यहाँ सतीदेवीको भाल अर्थात निधार पतन भएकोनै विश्वास गरिन्छ । सतीदेवीका अंगहरु पतन भएका ७५००००० मध्ये सो स्थानपनि हो । त्यहाँका स्थानीयहरुले पनि सोहि अनुसार आराधना गर्ने गरेका छन् । तर स्वस्थानी ब्रत कथा जस्तो पवित्र कथा बाचन गर्ने बहानामा एउटा विज्ञापन मेकरले स्क्रिप्ट लेख्न मिल्छ र ?