काठमाडौं – स्पर्श लघुवित्त वित्तीय संस्थाको २ लाख ५२ हजार कित्ता आइपीओ आइतबार बाँडफाँट भएको छ । उक्त आइपिओ बाँडफाँटमा २५ हजार २०० सय जनाले १० कित्ताका दरले सेयर प्राप्त गरेको छ । संस्थाले निष्काशन गरेको आइपिओमा कुल २ लाख ९८ हजार ९३८ जनाले सेयर आवेदन दिएका थिए । यसमध्ये २ लाख ९८ हजार ३५३ जनाको आवेदन सदर भएको थियो भने बाँकी ५ सय ८५ जनाको आवेदन रद्द भयो ।

स्पर्शले २ लाख ६९ हजार ६३० कित्ता सेयर खुला गरेको हो । यसमध्ये सर्वसाधारणलाई २ लाख ५२ हजार कित्ता छुट्याइएको थियो । कर्मचारीलाई ४ हजार १४८ कित्ता दिइएको छ । कम्पनीले गत फागुन २६ गतदेखि फागुन २९ गतेसम्म आइपीओ खुला गरेको हो । यसमा बिक्री प्रबन्धकको काम सानिमा क्यापिटलले गरेको हो । आफ्नो नतिजा हेर्न यहाँ क्लिक गर्नुहोस् :