उदयपुर । नेपालमा एकैदिन १४ जना कोरोना भाइरस (कोभिड-१९) का संक्रमित थपिएका छन् । उदयपुरमा १२ जना र चितवनमा दुई नेपालीमा कोरोना संक्रमण पुष्टि भएको हो । शुक्रबार थपिएका मध्ये १२ जना उदयपुरमा छन् । तर त्यहि ठाउँमा अधिकांस बैंकले स्वास्थ्य सुरक्षामा ध्यान दिंदा सिटिजन्स बैंकले भने चरम लापरवाही देखाएको छ । एटिएम मेशिनमा न सेनिटाईजरको व्यवस्था छैन ।

यता बैंकको तर्क भने राख्ने ठाउँ नभएर नराखेको भन्ने छ । बैंकका धेरै ठाउँमा सेनिटाईजर नभएकोबारे बुझ्दा बैंककि प्रवक्ता उमङ्ग शर्माले राख्ने ठाउँ नभएकोले विभिन्न ठाउँका एटिएमहरुमा सेनिटाईजर नराखेको र गार्डलाई भनेको खण्डमा उपलब्ध हुने बताएका थिए । बैंकको लापरवाहीबारे सीइओ गणेश राज पोखरेलसँग कुरा गर्दा उनले आफ्ना ब्रान्च मेनेजरसँग थप जानकारी लिन भने । त्यसपछि हामीले सिटिजन्स बैंकका ब्रान्च मेनेजर विपिन पौडेलसँग कुराकानी गरेका छौं ।  

१. तपाईंको एटिएममा सेनिटाईजर छैन नि ?

हाम्रा दुइवटा एटिएम छन् उदयपुरमा। एउटा आर्मी ब्यारेकमा एउटा गाइघाटमा । आर्मीको ब्यारेकमा कहिलेकाहीं सेनिटाईज गर्छौं । अस्ति आइतबार जाने कार्यक्रम थियो, क्यान्सिल भयो । गाइघाटको ब्रान्चमा पनि कहिलेकाहीं गरेका छौं । हामी हाम्रो कस्टमरको स्वास्थप्रति संवेदनशील छौं ।

२. कहिलेकाहीं गरेर पुग्छ त ?

सधैं जान हामीले पास पनि त पाउनु पर्यो । स्टाफ थोरै छौं, सबै काम गर्नुपर्यो । त्यसमाथि आर्मीको ब्यारेकभित्र कोरोना सजिलै छिर्दैन भन्ने कुरामा हामी विश्वस्त छौँ । जहाँसम्म गाइघाट ब्रान्चको कुरा छ, अव सधैं गर्नुपर्ने भए हामी पनि माथि माग गर्छौं, सोहि अनुसार गरौंला । अव सधैं राखेर पनि के गर्नु ? भन्दा लाज लाग्छ, चोरेर लैजान्छन् । ३५ वटा किनेर ल्याएको थिएँ, दुइटा चोरे अनि के राख्नु ?

३. एटिएमभित्रको सेनिटाईजरको सुरक्षा गर्न नसक्ने तपाईंको गार्डले पूरै एटिएमको सुरक्षा गर्छ त ?

यो त मान्छेको नियतको कुरा हो सर । 

४. तपाईंको एटिएम त कहिले चल्छ कहिले चल्दैन भन्ने गुनासो छ नि ! प्रवक्ताले सबै ठिक छ भन्नुहुन्छ, सीइओसापले बन्द छ भन्नुहुन्छ । खास के हो कुरा ?

सबैको कुरा ठिक हो । एटिएमको प्लेट बिग्रेर समस्या भएको हो । यहाँ टेक्निसियन नभएर बाहिरबाट बनाउनुपर्यो । कहिलेकाहीं चल्छ, कहिले चल्दैन । प्रवक्ताज्यूको कुरा पनि ठिक हो । चल्न त चलेकै छ । धेरै नचलेपनि । सीइओ सरको कुरा पनि ठिक हो, अव पूरै चल्नुपर्ने चीज अलि अलि नचलेपछि चलेको छैन भन्नु पनि ठिक हो । यस्तै छ ।

५. सिटिजन्स बैंकको सेवा प्रति सबैको गुनासो छ नि, किन यस्तो भयो ?

खै ! हामीलाई किन गुनासो हुन्छ थाहा छैन । राष्ट्रिय वाणिज्य बैंकको पूरै सेवा बन्द छ कसैलाई गुनासो हुँदैन । चासो हुँदैन । हामीले त सेवा दिइरहेका छौं । एटिएम त अब टेक्निकल कुरा हो, बिग्रिहाल्छ नि ।

(उनीसँग गरिएको कुराकानी हाम्रो आगामी टेलिभिजनकार्यक्रम  कार्यक्रममा प्रस्तुत गर्नेछौँ। )