• अर्थ सरोकार सम्बाददाता 

उदयपुर । नेपालमा एकैदिन १४ जना कोरोना भाइरस (कोभिड-१९) का संक्रमित थपिएका छन् । उदयपुरमा १२ जना र चितवनमा दुई नेपालीमा कोरोना संक्रमण पुष्टि भएको हो । शुक्रबार थपिएका मध्ये १२ जना उदयपुरमा छन् । तर त्यहि ठाउँमा अधिकांस बैंकले स्वास्थ्य सुरक्षामा ध्यान दिंदा सिटिजन्स बैंकले भने चरम लापरवाही देखाएको छ । एटिएम मेशिनमा न सेनिटाईजरको व्यवस्था छैन ।

यता बैंकको तर्क भने राख्ने ठाउँ नभएर नराखेको भन्ने छ । बैंकका धेरै ठाउँमा सेनिटाईजर नभएकोबारे बुझ्दा बैंककि प्रवक्ता उमङ्ग शर्माले राख्ने ठाउँ नभएकोले विभिन्न ठाउँका एटिएमहरुमा सेनिटाईजर नराखेको र गार्डलाई भनेको खण्डमा उपलब्ध हुने बताएका थिए । तर संक्रमण पुष्टी भएकै दिन अर्थ सरोकारका प्रतिनिधि त्यहाँ जाँदा त्यहाँ कोहि सुरक्षाका लागि थिएनन् । केहि दिनअघि एटिएममा स्वास्थ्य सुरक्षास्थिति के छ भनेर बुझ्न जाँदा सिटिजन्स बैंकको एटिएम निकै लापरवाही ढंगले राखिएको थियो ।

प्रवक्ता, सीइओ र ब्रान्च मेनेजरकै कुरा बाझियो !
यता उदयपुरमा रहेका दुइ एटिएमहरुमध्येको एक गाईघाट बजारको एटिएम  बैंकका प्रमुख कार्यकारी अधिकृत गणेश राज पोखरेलका अनुसार प्राविधिक समस्या आएका  कारण एक हप्तादेखि बन्द छ । यता बैंककि प्रवक्ता उमङ्ग शर्मा ३ दिन अघिसम्म बैंकका कुनै पनि एटिएममा समस्या नरहेको दाबी गरिरहेकी थिइन् ।  यता ब्रान्च मेनेजर भने घरी एटिएम चलेको छ भन्छन् घरी अलि अलि समस्या छ भन्छन् । 

यता एटिएममा सेनिटाईजर नराखिएको कुरामा भने बैंक मेनेजरको तर्क अचम्मको छ । ‘हाम्रा दुइ एटिएमहरुमध्ये आर्मी ब्यारेक भित्रको एटिएम हप्ताको एक दिन सेनिटाईज गर्छौं । गाइघाटको पनि पैसा राख्नुअघि पुच्छ्ने काम गर्छौं । ‘अनि हप्तामा एकपटक गरेर हुन्छ त ?’ भन्ने हाम्रो प्रश्नमा उनी भन्छ न्, ‘आर्मी ब्यारेकभित्र कोरोना छिर्दैन भन्ने कुरामा हामी विश्वस्त छौँ ।’