- अर्थ सरोकार सम्बाददाता
काठमाडौँ । शुक्रपथ बहुउद्देश्यीय सहकारी संस्थाको अध्यक्षमा नरेन्द्र बिष्ट निर्विरोध चयन भएका छन् । संस्थाको १०औं वार्षिक साधारणसभाले ४ वर्षको लागि उनलाई अध्यक्षमा चयन गरेको हो । विष्ट यसअघि सचिव थिए । नव निर्वाचित सञ्चालक समितिको उपाध्यक्षमा आनन्दकुमार राउत, सचिवमा जीवनराज ओझा र कोषाध्यक्षमा दीपेन्द्रकुमार श्रेष्ठ निर्बिरोध चयन छन् । यस्तै सदस्यहरुमा महेश खड्का केसी, निरहरी प्रसाद उपाध्याय र अर्जुन विश्वकर्मा समेत चयन भएका छन् ।
काठमाडौं न्युरोडमा मुख्य कार्यालय रहेर काठमाडौं ललितपुरमा सेवा केन्द्रबाट सेवा दिइरहेको सहकारीमा लक्ष्मण शर्माको संयोजकत्वमा लेखा समिति चयन भएको छ । यस्तै सदस्यहरुमा पम्फा कार्की र देवप्रसार घिमिरे निर्वाचित भएका छन् । निर्वाचित सञ्चालक समिति र लेखा समितिका पदाधिकारीले आजै पदभार ग्रहण गरेका छन् । संस्थाले अहिले चाबहिल, नया बसपार्क, ललितपुर, तिनकुने, कालिमाटी लगायत सेवाकेन्द्रबाट सेवा दिँदै आएको छ ।
