• अर्थ सरोकार सम्बाददाता

काठमाडौं । साताको कारोबारको चौथो दिन बुधबार नेप्से सूचक १३.७९ अंकले घटेर २५८५.२८ विन्दुमा अडिएको छ । २१५ कम्पनीको ८९ लाख ६५ हजारभन्दा बढी कित्ता सेयर खरिदबिक्री हुँदा ३ अर्ब ९९ करोड रुपैयाँभन्दा बढीको सेयर कारोबार भएको छ । खरिदबिक्री रकममा २८ करोड रुपैयाँ भन्दा बढीसहित एनसीसी बैंक अग्रस्थानमा रहेको छ ।

बुधबार कारोबारमा आएका १३ उपसमुहमध्ये ३ को सूचक सकारात्मक देखिएका छन् भने १० उपसमुहको सूचक सकारात्मक रहेका छन् । यस्तै २ कम्पनीको भाउ सर्किट लाग्ने गरी वृद्धि भएको छ । यसैगरी उत्पादन तथा प्रशोधन उपसमूहको सूचक सर्वाधिक ०.९८ प्रतिशतले बढेको छ । यस्तै अन्य उपसमुहको सूचक ०.९० प्रतिशत र व्यापार समुहको सूचक ०.२५ प्रतिशतले बढेको छ । यता फाइनान्स उपसमुहको सूचक सर्वाधिक १.२४ प्रतिशतले घटेको छ ।