• अर्थ सरोकार सम्बाददाता 

काठमाडौं । सानिमा माई हाइड्रोपावरले ३४ करोड २ लाख ३७ हजार रुपैयाँ खुद नाफा कमाएको । कम्पनीले गत वर्षको यसै अवधिको तुलनामा ९.१०% ले खुद नाफा वृद्धि गरेको हो । अघिल्लो वर्ष यस कम्पनीले ३१ करोड १८ लाख ६२ हजार रुपैयाँ नाफा कमाएको थियो । 

सार्वजनिक वित्तीय विवरण अनुसार कम्पनीको विद्युत बिक्रीबाट हुने आम्दानी भने ०.९७% ले घटेर ६६ करोड ३६ लाख ४४ हजार रुपैयाँमा आएको छ । यस्तै कम्पनीको प्रतिसेयर आम्दानी १२ रुपैयाँ ११ पैसा र प्रतिसेयर नेटवर्थ १२१ रुपैयाँ ८५ पैसा छ ।

सानिमाको चुक्ता पुँजी २ अर्ब ८० करोड ८४ लाख १० हजार रुपैयाँ छ भने रिटेन्ड अर्निङ शीर्षकमा ६० करोड ९० लाख रुपैयाँ राखिएको छ ।