×

Live on

रेडियो अर्थ सरोकार

Listen to live radio.

laxmi sunrise bank

भियतनामले लगायो चिनियाँ आल्मिनियमका उत्पादनको आयातमा थप कर

हनोइ । भियतनामले चिनियाँ आल्मिनियमका उत्पादनको आयतमा थप कर लगाएको छ । भियतनाम सरकारले करहरुको विवरणको समीक्षा गर्दै चिनियाँ उत्पादनको आयातमा लगाइएको करको दायरा बढाएको हो । भियतनाम सरकारले चिनियाँ आल्मिनियम उत्पादनको आयातमा ४.३९ प्रतिशतदेखि ३५.५८ प्रतिशतसम्म करको दायरा बढाएको हो । उक्त बढाइएको कर अप्रिल २५ देखि नै लागु भएकोसमेत जानकारी गराइएको छ ।
यसअघि सन् २०१९ मा चिनियाँ उत्पादनको आयातमा २.४९ प्रतिशत देखि ३५.५८ प्रतिशतसम्म कायम गरिएको थियो । भियतनाको उद्योग मन्त्रालयले सन् २०१९ को जनवरीदेखि नै एन्टि डम्पिंग अनुसन्धान सुरु गरेको थियो । त्यस समय विदेशबाट आयात भएका वस्तुहरुको आन्तरिक बजार प्रभावको बारेमा अध्ययन गरिएको थियो । उक्त अध्ययनको निष्कर्षमा चिनियाँ उत्पादनहरुमा करको दायर बढाउनुपर्ने उल्लेख भएपछि सरकारले एन्टि डम्पिंगको दायरा बढाएको हो । विदेशी आयातका कारण आन्तरिक बजारमा ठूलो क्षति हुने गरेकासमेत उक्त अध्ययनमा उल्लेख गरिएको छ । भियतनामले गत वर्षको डिसेम्बरमा कोइला र स्टिलको आयातमा पनि करको दायरा बढाएको थियो ।
भियतनामको चीन एक मुख्य व्यापरिक साझेदार मुलुक हो । तर पछिल्लो समय दुबै मुलुकबीच दक्षिण चीन सागर र कोरोना महामारीका कारण सम्बन्धमा समस्या पैदा भएको छ । यस आर्थिक वर्षको पहिलो चौमासिकमा चीनसँगको भियतनाको व्यापार घाटा ११.७५ बिलियन अमेरिकी डलर रहेको छ । जुन गत वर्षको तुलनामा ७२.५ प्रतिशतले वृद्धि भएको सरकारी तथ्यांकले देखाएका छन् । यससँगै भियतनामले चीनबाट यही वर्षको पहिलो चौमासिकमा ५.५ बिलियन प्रत्यक्ष विदेशी लगानी भित्र्याएको योजना तथा लगानी मन्त्रालयले जनाएको छ ।
Hamro Parto AD
TRITON COLLEGE

प्रतिक्रिया दिनुहोस्

सिफारिस: