• अर्थ सरोकार सम्बाददाता

काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले जोखिममा डोल्पाको दुनै बजारका स्थानीयबस्तीदेखि तनहुँ र अर्घाखाँचीमा रोपाईंको चटारोसम्मकालाई फोटोमा समेटेका छौं ।

भेरी नदीको किनारमा अवस्थित डोल्पाको सदरमुकाम दुनै । वर्षात्का कारण नदीमा पानीको बहाव बढेसँगै स्थानीयबस्ती जोखिममा परेको छ ।

तनहुँको भानु नगरपालिका–५ स्थित छसय फाँटमा रोपाइँ गर्ने क्रममा कृषक । जिल्लाका कतिपय ठाउँमा रोपाइँ शुरु भइसकेको छ ।

अर्घाखाँचीको मालारानी–३ खनारको खजुने खोला नजीक रहेका खेतमा धान रोप्ने क्रममा कृषक । विगतका वर्षमा खडेरीले धान रोपाइँ ढिला हुने भए पनि यस वर्ष समयमै पानी परेको छ । 

पृथ्वीराजमार्गको धादिङ सडक खण्डमा त्रिशुली नदिमा आएको बाढीले  बगाएर ल्याएको काठ दाउराहरु सडकमा ल्याएर सङ्कलन गर्दै स्थानीहरु । 

पृथ्वी राजमार्गकोे अबुवा खैरेनीस्थित ऐना पहारामा झरेको झरनाको मनोरम दृश्य । लकडाउनका कारण उक्त झरनामा रमाउने मानिसहरु नआएका कारण सुसाउँदै बगिरहेछ ।

भक्तपुरको ठिमीस्थित जनक शिक्षा सामाग्री केन्द्र लिमिटेडमा यस शैक्षिकको नयाँ पाठ्यपुस्तक छपाइ गरिँदै । केन्द्रका अनुसार यस वर्षका लागि आवश्यक  पाठ्यपुस्तक छाप्ने काम अन्तिम चरणमा पुगेको छ । 

पृथ्वी राजमार्गकोे थानकोट नौविसे सडक खण्डमा भारीवर्षाका कारण पहिरो जाने खतरा देखिएको छ । उक्त बाटो भइ राजधानी प्रवेश गर्ने दैनिक हजारौं मालवाहक तथा अतिआवश्यक सवारीसाधनलाई समस्या पर्नेछ । 

विश्वसम्पदा सूचीमा सूचीकृत वसन्तपुर दरबार आसपास क्षेत्रमा रिक्सा चालक । 

बाढीले क्षति पु¥याएको बागलुङ नगरपालिका–१ मालढुङ्गास्थित काठेखोलाको पुलमा पुग्न भ¥याङ चढ्दै एक बालक ।