×

Live on

रेडियो अर्थ सरोकार

Listen to live radio.

laxmi sunrise bank

सहकारीको ऋण तिर्न नसक्दा आत्महत्या

  • अर्थ सरोकार सम्बाददाता 
झापा । झापामा सहकारीको किस्ता तिर्न नसक्दा एक जनाले आत्महत्या गरेका छन् । झापाको अर्जुनधारा नगरपालिका–१ का ३१ वर्षीय ललित दर्जीले सहकारीको किस्ता तिर्न नसक्दा आत्महत्या गरेका हुन् । 
कमजोर जीवनस्तर भएकै कारण उनले आत्महत्या  बाटो रोजेका छन् । उनीसंग सम्पत्ति त कहाँ हो कहाँ बस्नका लागि घरसमेत छैन । उनले बिरिङ खोलामा गिटी निकाल्ने र त्यसलाई बिक्री गरेर आफूलगायत श्रीमती र दुई जना नाबालकको जिवन निर्वाहा गर्दै आएका थिए । 
आर्थिक स्थिति झनै बिग्रदै गएपछि उनकी श्रीमती बालकुमारीले सल्लाहमा फागुन महिनामा सहकारीबाट समूह जमानतमा ७४ हजार हाराहारी ऋण निकालिन् । बैंकमा धितो राख्न केहि नभएपछि उनले सहकारीबाट सो ऋण निकालेकी हुन् । उनले सहकारीबाट ऋण लिएको पैसाले परालले छापेको घरमा जस्ता लगाईन् । घरकै लागि केही बाँस पनि किनिन् । केही ऋण थियो, त्यो तिरिन् ।
ऋण निकालेको केहि समयपछि कोरोना संक्रमणको दर बढेपछि निषेधाज्ञा जारी भयो । जससंगै सम्पूर्ण संस्थाहरु बन्द भए । र सो समयमा सहकारीले कुनै पनि सुचना जारी गरेन । जब कोरोना सङ्क्रमणको दर अलि घटेपछि सहकारीले आइतबार समूह बस्ने भन्ने सुचना सार्वजनिक गर्यो । त्यो कुरा बालकुमारीले पनि थाहा पाइन्। 
उनले मजदुरी गर्न गएका श्रीमानलाई ऋण तिर्नेबारे खबर गरिन् । त्यसपछि उनले मजदुरी गर्ने ठाउँमा आफू सुत्ने कोठामा झुण्डिएर आत्महत्या गरे । प्रहरीले आइतबार राती शवको मुचुल्का उठाएर सोमबार पोष्टमार्टम गरी अन्तेष्टिका लागि परिवारलाई जिम्मा दिएको थियो ।
Hamro Parto AD
TRITON COLLEGE

प्रतिक्रिया दिनुहोस्

सिफारिस: