">
- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । कोरोना माहामारी सुरु भएसँगै जारी गरिएको निषेधाज्ञाका कारण मजदुरी गर्नेहरु निकै समस्यामा परेका छन् । दैनिकीकै आधारमा परिवार पाल्नेहरु मजदुरी गर्न नपाएपछि दुखजिलो जिवन बिताउन बाध्य बनेका छन् । यद्यपि अहिले सरकारले निषेधाज्ञा खुकुलो बनाएपछि उनिहरुको मुहारमा खुसी देखिन थालेको छ ।
मजदुरी आफैमा सहज हुँदैन । त्यसैमाथी दैनिक आउने विभिन्न बाधा, अड्चन तथा अफ्ठ्याराहरुले झनै असहज बनाईदिन्छन् दैनिकीहरु । यसैबीच विश्व माहामारीका रुपमा स्थापित भएको कोरोना भाइरसको संक्रमणले मजदुरी गर्दै परिवार पाल्नेहरुको दैनिकी अस्तव्यस्त नै बनायो । माहामारी नियन्त्रण तथा रोकथामका लागि भन्दै सरकारले निषेधज्ञा जारी गर्यो, यता मजदुरी गर्ने मजदुरहरुको परिवार चलाउने आधार नै खोसियो । तर अहिले देशैभरी जारी गरिएको निशेधाज्ञा खुकुलो बनाएसँगै मजदुरी गर्नेहरु खुसी देखिन्छन् ।
भारतको लखिमपुर खिरी हाल धनगढी उपमहानगरपालिका वडा नम्बर ५ हसनपुर बस्ने सञ्जय बर्मा अहिले मकै बेचेर आफ्नो दैनिकी चलाईरहेका छन् । विगत २५ वर्षदेखी नेपालमै बसेर मजदुरी गरिरहेका उनको ८ जनाको परिवार छ । बिहानै तरकारी बेचेर दिनको सुरुवात गर्ने उनको दैनिकी मजदुरी गरेरै चलिरहेको छ । देशभर जारी निषेधाज्ञाका कारण अरुजस्तै मर्कामा परेका उनि परिवार पाल्नपनि मुस्किल भएको बताउँछन् । उनि भन्छन्, ‘खान लगाउनकै लागि मर्नुपर्ने अवस्था नआएपनि बचत शुन्य हुँदा परिवारको पेट पाल्नको लागी ठिक्क भएको छ ।’
उनि अहिले किसानहरुबाट १० रुपैँया प्रतिगोटा मकै किन्छन् र सडक किनारमा पोलेर बेच्ने गर्छन । राम्रै भयो भने मकैको व्यापारबाट पनि दैनिक ३ देखी ४ सय आम्दानी हुने उनको भनाई छ । लामो समयदेखी नेपालमै रोजीरोटी चलाएका उनी नेपालमै खुसी छन् । यतैको माहोलमा रमाएका उनले नयाँ शहर आफ्ना लागि बिरानो हुने भएकोले नेपालमै बसेर काम गर्न रुचाउने बताए । त्यस्तै जन्मथलो भारत भएपनि कर्मथलो नेपाललाई बनाएका बर्माले काम गर्न गाह्रो भएतापनि नेपाल सरकारले आफुहरुलाई रोजगारी गर्नका लागि र परिवार पाल्नका लागि कुनै अवरोध नगर्ने गरेको बताएका छन् ।
नेपालका अधिकांश नागरिक रोजगारीका लागि भारतका विभिन्न शहरहरुमा पुगेजस्तै भारतका विभिन्न शहरबाट मजदुरी गर्नको लागि नेपाल आएका त्यस्ता थुप्रै नागरिक छन् जसले आफ्नो कर्मथलो नेपाललाई बनाएका छन् । कोरोना माहामारीका कारण गिजोलिएको उनिहरुको दैनिकी पुनः सुरु भएको छ ।
